အဲဒီနေရာမှာ
ကိုယ့်ကိုကိုယ်၊ ဆရာလို့သတ်မှတ်ထားတဲ့
ထောင်ထွက်တွေရှိတယ်
ဝရမ်းပြေးတွေရှိတယ်
သူခိုးတွေရှိတယ်
ကြောင်သူတော်ကြီးတွေရှိတယ်
အာဏာရှင်ကြီးတွေရှိတယ်
အဲဒီနေရာမှာ
အန်တီနှင့် ဒီမိုကရေစီကို
အကြောင်းပြ
ဗိုက်ဝနေသူတွေရှိတယ်
စားဖားကြီးတွေရှိတယ်
ဂျင်ပေါ်က ထုံးတွေရှိတယ်
အဲဒီနေရာမှာ
ဘ၀ရေဆန်လမ်း၊ မမောတမ်းကူးနေတဲ့
မြန်မာအလုပ်ကြမ်းသမားတွေရှိတယ်
နိုင်ငံမဲ့လူတန်းစားတွေရှိတယ်
မြေဇာပင်တွေရှိတယ်
အပယ်ခံတွေရှိတယ်
အဲဒီနေရာမှာ
စိတ်ကူးသစ်များ မဖြတ်သန်းရ
နယ်မြေရှိတယ်
မျက်မှန်စိမ်းတွေရှိတယ်
နောက်ကျောကိုဓါးနဲ့ထိုးမယ့်သူတွေရှိတယ်
ကျောက်ချထားတဲ့ အတွေးအခါ် သဘောင်္ကြီးတွေရှိတယ်
အဲဒီနေရာမှာ
ဝံပုလွေတွေရှိတယ်
မြွေဟောက်တွေရှိတယ်
မုန်ယိုနေတဲ့ လူဗိုက်ပူကြီးတွေရှိတယ်
ကျားအိုစဉ်းလဲတွေရှိတယ်
ဖားတပိုင်း ငါးတပိုင်းတွေရှိတယ်
မြက်နုကြိုက်တဲ့ နွားအိုကြီးတွေရှိတယ်
အဲဒီနေရာမှာ
ပုံပြောကောင်းသူတွေရှိတယ်
သရက်စေ့မျက်နာနဲ့ လူတွေရှိတယ်
ကျီးအာသီးတွေရှိတယ်
ပဒိုင်းသီးတွေရှိတယ်
လက်ခုတ်ပန်းတွေရှိတယ်
အဲဒီနေရာမှာ
ပါးစပ်ကဘုရားဘုရား
နိုက်ကလက်မှာ ကားယားကားယားဖြစ်နေတဲ့
မသူတော်ကြီးတွေရှိတယ်
ဦးနဲ့သမီး ဇာတ်လမ်းတွေရှိတယ်၊
တပည့်မတွေကို ညာလေးညာနဲ့ညာတဲ့
ဆရာဆိုတာတွေရှိတယ်
အဲဒီနေရာမှာ
အနားမညီတြိဂံတွေရှိတယ်
ဘဲဥပုံစက်ဝိုင်းတွေရှိတယ်
မျဉ်းကွေးမျဉ်းကောက်တွေရှိတယ်
ညီမျှခြင်းချမရတဲ့ လူ့အခွင့်အရေး ပုစ္ဆာတွေရှိတယ်
တဖက်စောင်းနေတဲ့ ချိန်ခွင်တွေလည်းရှိတယ်
အဲဒီနေရာမှာ
မျက်မမြင်တွေရှိတယ်
နားမကြားသူတွေရှိတယ်
စိတ်ဓါတ်ကင်ဆာဖြစ်နေသူတွေရှိတယ်
ဝက်သက်ပေါက်နေတဲ့သူတွေရှိတယ်
သူငယ်ပြန်နေသူတွေရှိတယ်
ကိုးမားဖြစ်နေသူတွေရှိတယ်
အဲဒီနေရာမှာ
အမဲလိုက်တော်တဲ့ မုဆိုးတွေရှိတယ်
ငါးပွက်ရာ ငါးစာချတဲ့ တံငါသည်တွေရှိတယ်
နှုတ်ကြမ်းအာကြမ်းနဲ့ ငါးစိမ်းသည်တွေရှိတယ်
ကမ္ဘာကျော် မျက်လှည့်ဆရာကြီးတွေရှိတယ်
ပုံတူကူးပန်းချီဆရာတွေရှိတယ်၊
ညီမျှခြင်း အချတော်တဲ့ သချာင်္ပညာရှင်တွေလည်းရှိတယ်
အော်စကာဆုရ သရုပ်ဆောင်ပညာသည်တွေလည်းရှိတယ်
အဲဒီနေရာမှာ
....................
....................
ရှိတယ်...........
ရှိတယ်...........
ရှိတယ်...........။
Subscribe to:
Posts (Atom)